网友投稿 | 设为首页 | 加入收藏
1/5页12345 跳转到查看:39471
回复该主题 发新话题
键盘左右键可以进行前后翻页操作
帮助

2013獎賞計劃:拼接全球1比5萬等高線地形圖 完成所有截圖勁獎隕石27600粒 完成所有拼圖勁獎隕石138000粒!

2013獎賞計劃:拼接全球1比5萬等高線地形圖 完成所有截圖勁獎隕石27600粒 完成所有拼圖勁獎隕石138000粒!

2013獎賞計劃:拼接全球1比5萬等高線地形圖 完成所有截圖勁獎隕石27600粒 完成所有拼圖勁獎隕石138000粒!


歡迎有興趣參與呢個計劃嘅地形圖同好跟帖報名!



先旨聲明:本獎賞計劃目的祇在於拼接高質在線地形圖,一概拒絕其他無關嘅跟帖同討論,如有違反,第一次刪帖警示,第二次直接限制地圖版發言。



一:計劃緣起


Atlogis公司現時向公眾免費提供1比5.4萬至1比10.8萬全球等高線地形圖在線瀏覽服務,呢一服務顯然係將1970-1980年代前蘇聯同美國出版嘅所有大比例尺等高線地形圖一網打盡並進行咗完美拼接。呢個在線版嘅地形圖雖然係三四十年前嘅測繪成果,但係佢勝在精度極高而且數據涵蓋全球,即使喺民用級GIS數字高程數據可以輕易獲得嘅今日,好似呢啲1比5萬同1比10萬細比例等高線地形圖仍具頂級收藏價值。


依家民用級GIS數字高程數據主要嚟自SRTM3,時間係2000年代,受限於SRTM3數據1公里誤差90米嘅精度,若然用SRTM3做1比10萬分層設色等高線地形圖,起碼會有近10%嘅精度誤差,做1比5萬嘅話則有將近20%嘅誤差,顯然,咁細嘅比例有咁大嘅誤差係難以接受嘅;再加上各GIS源數據之間可能存在唔同嘅投影系而造成圖件混亂(譬如重疊同空隙,冇法精確配準),以及自製等高線地形圖要求用家要對ArcGIS,ENVI,MapInfo,ERDAS,Global Mapper,MapGis,Quantum GIS等地理信息系統軟體同遙感信息軟體有相當程度嘅掌握,呢啲都令利用現有在線瀏覽資源進行簡單截圖拼接優勝於高誤差率嘅複雜自製。


2013獎賞計劃旨在通過截圖拼接將呢一在線數據源變成可供脫機瀏覽嘅大圖幅高質靚圖,並令本壇掌握珍貴嘅1970-1980年代全球範圍高精度等高線地形圖資源。
有好嘢梗係要益大眾,呢個計劃嘅成果將無償供壇友分享,唔收取任何隕石,唔設置威望限制。呢個計劃中短期目標係:要完成全球截圖;要完成中國,東南亞,東北亞,中國周邊,澳洲嘅拼圖。長期目標係:完成全球拼圖。


Atlogis全球1比5.4萬等高線地形圖(1970-1980年代俄版同美版資料)


http://www.topomapper.com/ 選擇最精細級


二:實施


呢個計劃分成截圖同拼圖兩個層級:截圖相對簡單容易但係獎賞亦少,而拼圖難度雖然唔高但係工作量巨大,拼圖過程相當沽燥乏味而且需要唔少眼力,所以拼圖獎賞自然高。要冇差錯噉完成一幅大圖幅嘅拼圖,坦白講,需要有對地圖嘅熱誠喜愛嚟支持。


A:對於截圖


1:下載專業截屏軟體HyperSnap,安裝後進行以下項目捕捉設置:a-剔除捕捉時包含游標,b-剔除捕捉後還原HyperSnap視窗到最上層,c-勾選自動存儲每次捕捉影像到檔案,d-設定好存儲目錄並選擇截圖以bmp格式存儲,勾選隨數值遞增檔名,結束數值填10000。HyperSnap默認截圖鍵係F12鍵側近嘅Print Screen SysRq鍵。



2:打開Google Chrome瀏覽器,鍵入topomapper.com,毋須更改網站默認顯示設置,直接關閉右手邊紫藍色選擇框,對準目標區域,並逐步將精度拉到最精細級,直到瀏覽視窗右下角顯示1:54K,按F11令瀏覽器處於全屏瀏覽狀態,開始截圖。


3:為咗及後嘅拼圖操作可以順暢展開,截圖次序必須嚴格按照截圖次序提示圖所示嘅四種順序進行,以方便拼圖者可以迅速尋圖;因為拼圖操作需要對截圖進行裁邊,而且需要利用相鄰截圖間共有嘅重影嚟進行影像疊加,所以要求每幅截圖之間上下左右必須要有30%嘅面積重疊。


4:截圖全部完成之後用ACDSee將所有bmp格式截圖批量轉換成jpg格式截圖,轉換質量必須選擇100%,以確保截圖質量唔低於topomapper.com在線圖嘅精度。


5:由於大陸網盤時常因為已知或者未知嘅原因而令用家存儲分享嘅數據無端端消失,穩定性超級差兼且惡意彈出公告超級多,所以要求各位截圖大俠要將jpg格式截圖打包上載去 Microsoft SkyDrive / ASUS Webstorage / 4shared / CX.com / MegaCloud 呢幾款網盤度,並將上載嘅資源設定成公眾共享模式。呢幾款網盤容量分別係7GB / 5GB / 15GB / 10GB / 5GB,喺大陸可以好方便噉申請。


Microsoft SkyDrive 一個hotmail帳號就有一個SkyDrive 7G容量


ASUS Webstorage 5G容量 https://www.asuswebstorage.com/


4shared 15G容量 http://www.4shared.com/


CX.com 10G容量 https://www.cx.com/mycx/sign_up


MegaCloud 5G容量 https://www.megacloud.com/


6:版主查閱截圖若然效果OK,即頒發獎賞,同時公佈已截圖區域,往後若然再有相同區域嘅截圖,假如新截圖質素優勝於舊截圖,仍然可以獲頒獎賞。唔同區域嘅截圖依大細獎賞有多有少,具體睇獎賞提示圖。


B:對於拼圖


1:自行截圖或者下載已有截圖,然後對每幅截圖進行裁邊,若然用ACDSee進行裁邊,裁截出嚟嘅jpg影像,輸出質量必須選擇100%,若然用Photoshop進行裁邊,裁截出嚟嘅jpg影像,必須按10級精度輸出。


2:拼圖操作必須基於Photoshop(版本毋須太高,CS同CS2已經OK,CS3同CS4完全冇必要)進行,具體操作睇本帖第二層嘅傻瓜式截圖拼圖簡要指南。拼圖操作過程漫長,拼圖者要時不時保存更新PSD原始素材文檔。


3:為咗方便對拼圖進行維護,要求各位拼圖大俠將拼圖成果存儲成PSD原始素材文檔。PSD文檔可以適當合併拼圖圖層,一個PSD文檔內圖層最大數目唔應該超過150個。


4:拼圖切勿自行添加同該等高線地形圖唔相關嘅諸如拼圖者名號水印之類嘅嘢。拼圖全部完成之後,各位拼圖大俠要將所拼區域嘅全部PSD原始素材文檔打包上載去 Microsoft SkyDrive / ASUS Webstorage / 4shared / CX.com / MegaCloud 呢幾款網盤度,並將上載嘅資源設定成公眾共享模式。


5:版主查閱拼圖若然拼接正確,由PSD文檔轉出嚟嘅JPG文件(喺Photoshop裡頭按10級精度輸出)唔低於topomapper.com在線圖嘅精度,即頒發獎賞,同時公佈已拼圖區域,往後若然再有相同區域嘅拼圖,假如新拼圖質素優勝於舊拼圖,仍然可以獲頒獎賞。唔同區域嘅拼圖依大細獎賞有多有少,具體睇獎賞提示圖。


三:獎賞


對於獎賞嘅隕石量,每一拼圖區域係100-1900粒(約莫每10萬平方公里100粒,具體睇獎賞分值地圖),每一拼圖區域係20-380粒(約莫每10萬平方公里20粒,具體睇獎賞分值地圖)。


拼圖及截圖獎賞隕石量具體睇獎賞分值地圖,獎賞值前邊係拼圖獎賞隕石量,獎賞值後邊係截圖獎賞隕石量。各拼圖及截圖區域以藍線標界,冇標界嘅按國界及一級政區界線劃分。 打***標記係源文檔欠缺區域,暫時唔做截圖同拼圖。


完成全球區域截圖,最大獎賞隕石量係27600粒,若然完成全球區域拼圖,最大獎賞隕石量係138000粒!


四:延伸閱讀


航天飛機雷達地形測繪任務(Shuttle Radar Topography Mission 簡稱SRTM)原始數據分辨率全球大部分地區都係3角秒(美國本土係1角秒),亦即SRTM3(美國本土係SRTM1),根據美國地質調查局(USGS)嘅說明,SRTM精準度係赤道區域1公里誤差90米(美國本土係1公里誤差30米)。而2009年發佈嘅先進星載熱發射及反射輻射儀全球數字高程模型(ASTER GDEM)雖然標稱分辨率高(全球範圍內1公里誤差30米),而且覆蓋北緯83度到南緯83度廣大區域,不過有評論話佢嘅真實分辨率其實係相當低嘅,甚至仲不如SRTM數據。


1公里誤差90米嘅概念係:1公里 = 910米 - 1090米。


一張1比10萬嘅地圖,地圖上1cm=實地1公里,假如1公里誤差90米嘅話,噉地圖上可以用0.91cm - 1.09cm = 1公里,有將近正負10%嘅誤差。


一張1比5萬嘅地圖,地圖上1cm=實地500米,假如1公里誤差90米嘅話,噉地圖上可以用0.82cm - 1.18cm = 1公里,有將近正負20%嘅巨大誤差。


一張1比50萬嘅地圖,地圖上1cm=實地5公里,假如1公里誤差90米嘅話,噉地圖上可以用0.982cm - 1.018cm = 1公里,祇有將近正負2%嘅誤差。


1公里誤差30米嘅概念係:1公里 = 970米 - 1030米。


一張1比10萬嘅地圖,地圖上1cm=實地1公里,假如1公里誤差30米嘅話,噉地圖上可以用0.97cm - 1.03cm = 1公里,有正負3%嘅誤差。


一張1比5萬嘅地圖,地圖上1cm=實地500米,假如1公里誤差30米嘅話,噉地圖上可以用0.94cm - 1.06cm = 1公里,有正負6%嘅誤差。


一張1比50萬嘅地圖,地圖上1cm=實地5公里,假如1公里誤差30米嘅話,噉地圖上可以用0.994cm - 1.006cm = 1公里,祇有正負0.6%嘅誤差。


Shuttle Radar Topography Mission (SRTM)


http://en.wikipedia.org/wiki/Shuttle_Radar_Topography_Mission/


Advanced Spaceborne Thermal Emission and Reflection Radiometer (ASTER)

ASTER Global Digital Elevation Model (ASTER GDEM)


http://en.wikipedia.org/wiki/Advanced_Spaceborne_Thermal_Emission_and_Reflection_Radiometer/



















最后编辑粵粵粵 最后编辑于 2013-02-16 14:18:20
有好嘢梗係要益大眾!

TOP

 

Atlogis截圖樣圖


上圖:Atlogis截圖原件.bmp


附件: Atlogis截圖原件.bmp.rar (2013/2/16 12:57:30, 1910.64 K)
该附件被下载次数 549







中圖:Atlogis截圖原件轉jpg格式.jpg








下圖:Atlogis截圖裁邊.jpg



最后编辑粵粵粵 最后编辑于 2013-02-16 12:57:29
有好嘢梗係要益大眾!

TOP

 

截圖簡要指南


最后编辑粵粵粵 最后编辑于 2013-02-16 12:44:17
有好嘢梗係要益大眾!

TOP

 

拼圖簡要指南


最后编辑粵粵粵 最后编辑于 2013-02-16 12:53:09
有好嘢梗係要益大眾!

TOP

 

太牛的计划!。。。

TOP

 

国内的好像是20万的图吧。

TOP

 

粤粤粤把这计划书和指南做出来已经非常辛苦了。

TOP

 

最好是截图拼图一起完成比较好。

TOP

 

地形图覆盖范围及数据来源

Soviet military maps (100K, 200K, 500K)
USGS (USA 250K)
Geoscience Australia (250K)
CTIO (Canada 250K)

附件

topomapper-coverage-m.jpg ()

jpg (2013/2/17 12:05:22)

topomapper-coverage-m.jpg

最后编辑lookingformaps 最后编辑于 2013-02-17 12:06:05

TOP

 

台湾地区

已完成台湾地区
PNG, 453MB, 15124 x 27166
下载链接:http://pan.baidu.com/share/link?shareid=265654&uk=4146802720

附件

topomapper - overviewtw-complete.jpg ()

jpg (2013/2/17 12:31:47)

topomapper - overviewtw-complete.jpg

topomapper - overviewtw-section.jpg ()

jpg (2013/2/17 12:31:47)

topomapper - overviewtw-section.jpg

本帖被评分 1 次
最后编辑lookingformaps 最后编辑于 2013-02-17 16:40:02

TOP

 

http://loadmap.net/en这里不是有的下载的吗,虽然是部分
本帖被评分 1 次

TOP

 

电脑配置不高,拼图就不参与了

TOP

 



引用:
原帖由 网络产品9 于 2013-2-20 10:36:00 发表
http://loadmap.net/en这里不是有的下载的吗,虽然是部分



呢個網站唔錯。


http://www.topomapper.com/ 提供嘅圖係經過矢量化無縫疊瓦拼接而嚟,有晒比例尺,做好晒投影同坐標轉換,而且佢仲聲稱經過SRTM數據比對校正。


搵單幅原圖逐張拼接唔包保可以完美拼出一幅冇罅隙兼且完全疊合嘅大圖,噉係因為,呢啲圖多數使用高斯-克呂格投影,同UTM投影一樣,為咗保證圖件精度,使用高斯-克呂格投影嘅圖件每隔一定經度(6度或者3度)就必須轉換唔同嘅投影帶。
最后编辑粵粵粵 最后编辑于 2013-02-20 13:33:56
有好嘢梗係要益大眾!

TOP

 

http://www.topomapper.com/ 經已將所有源圖執正晒成統一比例尺,每幅圖嘅右下角都自動顯示實際比例尺,呢個比例尺既冇放大亦冇縮水顯示。

反而掃描圖因為掃描分辨率選擇嘅唔同,而出現掃描放大嘅狀況。


















最后编辑粵粵粵 最后编辑于 2013-02-20 13:29:46
有好嘢梗係要益大眾!

TOP

 

牛,不是一般的牛

TOP

 
1/5页12345 跳转到
回复该主题 发表新主题
  <<上一主题 | 下一主题>>